O'zbekistonda dollar kursi ko'tarildi

Manba: “Daryo” / Farrux Aliyev

Markaziy bank xorijiy valyutalarning o'zbek so'miga nisbatan 4-avgustda amalda bo'ladigan qiymatini e'lon qildi.

dollar 29,28 so'mga ko'tarilib, 11 989,46 so'm bo'ldi;

yevro 54,07 so'mga oshib, 13 815,45 so'm bo'ldi;

rubl 0,94 so'mga tushib, 149,48 so'mni tashkil etdi.

Bundan avval dollar kursi 46,21 so'mga pastlab, 12 ming so'mdan tushgandi. Ushbu valyuta kursi so'nggi marta 27-iyul kuni 12 ming so'mdan pastlagandi.

Manba: Daryo.uz

Dollar kursi bir kunlik ko'tarilishdan so'ng yana tushdi

Manba: “Daryo” / Farrux Aliyev

Markaziy bank xorijiy valyutalarning o'zbek so'miga nisbatan 5-avgustda amalda bo'ladigan qiymatini e'lon qildi.

dollar 47,25 so'mga pastlab, 11 942,21 so'm bo'ldi;

yevro 72,35 so'mga tushib, 13 743,10 so'm bo'ldi;

rubl 2,06 so'mga pastlab, 147,42 so'mni tashkil etdi.

Bundan avval dollar kursi 29,28 so'mga ko'tarilib, 11 989,46 so'm bo'lgandi. Ushbu valyuta kursi 3-avgustda 12 ming so'mdan tushgandi.

Manba: Daryo.uz

Dollar kursi 11 900 so'mdan tushdi

Manba: “Daryo” / Farrux Aliyev

Markaziy bank xorijiy valyutalarning o'zbek so'miga nisbatan 6-avgustda amalda bo'ladigan qiymatini e'lon qildi.

dollar 55,49 so'mga pastlab, 11 886,72 so'm bo'ldi;

yevro 25,83 so'mga tushib, 13 717,27 so'm bo'ldi;

rubl 1,05 so'mga pastlab, 146,37 so'mni tashkil etdi.

Bundan avval dollar kursi bir kunlik ko'tarilishdan so'ng yana tushib, 11 942,21 so'm bo'lgandi. Ushbu valyuta kursi 3-avgustda 12 ming so'mdan pastlagandi.

Manba: Daryo.uz

O'zbekistonga xorijdan pul o'tkazmalari geografiyasi: qaysi davlatlardan tushumlar ko'paydi?

Manba: “Daryo” / Farrux Aliyev

2026-yilning I yarmida O'zbekistonga xorijda ishlayotgan migrantlar tomonidan 9,3 mlrd dollar yuborildi. Markaziy bank olti oylik pul o'tkazmalari 2025-yil mos davriga nisbatan 1,1 mlrd dollarga ortganini (13 foiz) ma'lum qildi.

Qaysi davlatlardan tushumlar o'sdi?

O'zbekistonga migrantlar yuboradigan pul oqimining katta qismi (78-80 foiz atrofida) Rossiya hissasiga to'g'ri keladi. Lekin regulyator federatsiyadan o'tkazilgan milliardlab dollarlar haqidagi raqamlarni ochiqlashni lozim topmagan. Qolgan 20 foiz atrofidagi tushumlar qaysi mamlakatlardan kelgani bilan cheklanilgan.

Infografika: Markaziy bank

Qayd etilishicha, olti oyda Buyuk Britaniyadan o'tkazmalar eng yuqori darajada o'sgan — 62 foiz. Ya'ni ushbu mamlakatda ishlayotgan muhojirlar 2025-yil I yarmida 89 mln dollar jo'natgan bo'lsa, joriy yilning yarmidagi jo'natmalar miqdori 144 mln dollarga yetgan.

Keyingi o'rinda Yevropa Ittifoqi davlatlaridan tushumlar 251 mln dollardan 319 mln dollarga (27 foizga) ko'paygan. AQSHda mehnat qilayotgan vatandoshlar esa o'tgan yilning yarmida 313 mln dollar yuborgan, joriy yilning olti oyida 372 mln dollar jo'natgan. Bunda o'sish 19 foizni tashkil etgan.

O'z navbatida Qozog'istondan tushumlar 366 mln dollardan 469 mln dollarga, Koreyadan 282 mln dollardan 314 mln dollarga ortgan. Turkiyadan esa o'tgan yilning yarmida 266 mln dollar yuborilgan bo'lsa, 2026-yil yarmida 303 mln dollar kelgan.

Markaziy bank tushumlar ortishiga migrantlar ishlaydigan an'anaviy mamlakatlarda (Rossiya va Qozog'iston — tahr.) ishchi kuchiga talab va ish haqlari yuqori darajada saqlanib qolgani asosiy omil ekanini qayd etgan. Shu bilan birga, pul o'tkazmalari o'sishiga milliy valyuta kurslari mustahkamlanishi ham ta'sir qilgani bildirilgan.

Pullarning ko'p qismi kartadan kartaga jo'natilgan

Yarim yil davomida kelib tushgan mablag'larning 4,8 mlrd dollari (51,7 foizi) jismoniy shaxslar bank kartalariga to'g'ridan to'g'ri (P2P) yuborilgan. Qolgan 4,3 mlrd dollar (46,7 foizi) an'anaviy xalqaro pul o'tkazma tizimlari orqali, yana 142 mln dollar (1,6 foizi) bank o'tkazmasi orqali amalga oshirilgan.

Foto: “Daryo” / Farrux Aliyev

Chet elda ishlayotgan o'zbekistonliklar qancha?

Hisob-kitoblarga ko'ra, dunyoning 40 ga yaqin davlatida taxminan 1,4 mln nafar O'zbekiston fuqarolari mehnat qilmoqda. Ularning eng ko'p qismi Rossiyada — 834,2 ming nafar. Qolgan ayrim davlatlardagi fuqarolar soni quyidagicha:

Qozog'istonda — 84,4 ming nafar;

Turkiyada — 72,1 ming nafar;

Janubiy Koreyada — 46,4 ming nafar;

Yevropa mintaqasi davlatlari – 258 ming nafar;

Boshqa davlatlarda – 97,7 ming nafar.

Markaziy bank xorijdagi migrantlarning 398,9 ming nafari (28,6 foiz) xotin-qizlar, qolgan 402,1 ming nafari (28,9 foiz) yoshlar ekanini qayd etgan. O'zbekistonliklarning MDH davlatlaridagi ulushi 29 foizga kamaygan bo'lsa, Yevropa mintaqasida 42 foizga, Sharqiy Osiyo mintaqasida 26 foizga ortgan.

Qo'shimcha qilinishicha, yarim yil davomida O'zbekistondan chet elga 1,3 mlrd dollar yuborilgan. Mazkur ko'rsatkich 2025-yil mos davriga nisbatan 8 foizga (100 mln dollar) ko'p.

Avvalroq O'zbekistonga migrantlar jo'natgan pullar miqdori besh yilda uch baravar o'sgani xabar qilingandi.

Manba: Daryo.uz

Banklarda valyuta oldi-sotdisi rekord darajada o'sdi

Manba: “Daryo” / Farrux Aliyev

2026-yil yanvar—iyul oylarida O'zbekistondagi banklarda qariyb 71,2 mlrd dollar qiymatdagi chet el valyutalari oldi-sotdi qilindi. Bu haqda Markaziy bank ma'lumot berdi.

Bunday yuqori qiymat yaqin uch yillikning dastlabki yetti oylik davrlarida kuzatilmagan. Regulyator pul bozorida xorijiy valyuta taklifi talabdan ko'ra tezroq o'sayotganini qayd etgan. Biroq taklif hajm jihatdan talabdan orqada qolyapti.

Valyuta talabining oshishi

Yetti oy davomida aholi va korxonalar banklardan 38,2 mlrd dollar sotib olgan. Bu ko'rsatkich 2025-yil mos davriga nisbatan 5,7 mlrd dollarga (17,7 foizga) oshgan. Jumladan, yuridik shaxslar 30 mlrd dollar, jismoniy shaxslar 8,2 mlrd dollar ekvivalentida chet el valyutalari xaridini amalga oshirgan. Mazkur raqamlar oxirgi uch yillikning mos davrlari ichida eng yuqorisi hisoblanadi. Masalan, 2024-yil yanvar—iyulda korxonalar 21 mlrd dollar, aholi esa 5,4 mlrd dollar sotib olgan. 2025-yil mos davriga kelib, biznes subyektlari 26 mlrd dollar, fuqarolar 6,5 mlrd dollar ekvivalentida chet el valyutalari xarid qilgan.

Valyuta taklifi talabdan tez o'sgan

Yanvar—iyul oylarida aholi va korxonalar banklarga 33 mlrd dollar qiymatdagi xorijiy valyutalar sotgan. Bunda taklif qiymati 2025-yilning dastlabki yetti oyidagiga qaraganda 7,2 mlrd dollarga (28 foizga) o'sgan. Xususan, banklarga aholi 14,6 mlrd dollar, korxonalar 18,4 mlrd dollarlik valyutalar sotuvini amalga oshirgan. Taqqoslash uchun, 2024-yilning ilk yetti oyida biznes subyektlari 12,5 mlrd dollar, fuqarolar 8,65 mlrd dollar sotgan. 2025-yil mos davriga kelib tadbirkorlar 14,7 mlrd dollar, aholi tomonidan esa 11,1 mlrd dollar sotilgan.

Infografika: Markaziy bank

Almashuv kursi mustahkamlangan

Yetti oy davomida O'zbekistonda valyuta ayirboshlash kursi 11 910 — 12 320 so'm/AQSH dollari diapazonida tebrangan.

“Hisobot davri yakunlariga ko'ra, milliy valyuta AQSH dollariga nisbatan qariyb 0,4 foizga mustahkamlandi”, deyiladi regulyator tahlilida.

Yanvar—iyul oylarida valyuta almashuv kursi tebranuvchanligi o'rtacha 32 so'mni (0,27 foizni) tashkil etgan. Taqqoslash uchun, 2025-yil mos davrida mazkur ko'rsatkich 28,2 so'mga (0,22 foiz) teng bo'lgan.

O'zbekistonda xorijiy valyutalar taklifiga ta'sir qiluvchi muhim kanallardan biri migrantlar tomonidan chet eldan yuborilayotgan mablag'lar hisoblanadi. Markaziy bank 2026-yil I yarmida mamlakatga xorijdan pul o'tkazmalari hajmi 9,3 mlrd dollarga yetganini ma'lum qildi. Mazkur ko'rsatkich 2025-yil mos davriga nisbatan 1,1 mlrd dollarga (13 foiz) o'sgan.

Manba: Daryo.uz

Dollar kursi yana 11 900 so'mdan tushdi

Manba: “Daryo” / Madina Nurman

Markaziy bank xorijiy valyutalarning o'zbek so'miga nisbatan 17-avgustda amalda bo'ladigan qiymatini e'lon qildi.

dollar 46,71 so'mga tushib, 11 891,18 so'm bo'ldi;

yevro 15,82 so'mga tushib, 13753,34 so'm bo'ldi;

rubl 0,07 so'mga oshib, 141,83 so'mni tashkil etdi.

Foto: “Daryo”

6-avgust kuni ham dollar kursi 11 900 so'mdan pastlagandi.

Manba: Daryo.uz

Ilon Mask Tramp bilan yarashib, respublikachilar uchun kamida 100 mln dollar sarflamoqchi — WSJ

Manba: Getty Images

Ilon Mask va Donald Tramp o'tgan yilgi keskin mojarodan keyin yana aloqalarni tiklagan. Milliarder endi 2026-yilgi oraliq saylovlarda respublikachilarni qo'llab-quvvatlash uchun kamida 100 mln dollar sarflashni rejalashtirmoqda. Bu haqda The Wall Street Journal xabar berdi.

Nashrga ko'ra, Tramp va Mask hozir taxminan oyiga bir marta gaplashib turadi. Ularning suhbatlarida sun'iy intellekt, Xitoy va xalqaro voqealar muhokama qilinadi. Biroq Tramp yaqinlariga Mask bilan munosabatlari avvalgidek bo'lmasligini aytgan.

Ikki tomon o'rtasidagi yaqinlashuvga AQSH vitse-prezidenti Jey Di Vens, Donald Tramp kichik va boshqa umumiy tanishlar ham yordam bergan. WSJ ma'lumotiga ko'ra, konservativ faol Charli Kirk ham o'limidan oldin ularni yarashtirishga uringan.

Mask may oyida Tramp bilan Xitoyga safar vaqtida yana iliq muloqot qilgan. O'sha suhbatda u 2026-yil noyabrdagi Kongress oraliq saylovlarida respublikachilarga yordam berishini bildirgan.

Milliarder o'zi 2024-yilda tuzgan America PAC siyosiy qo'mitasiga mablag' yo'naltirib, muhim shtatlarda respublikachi saylovchilarni uchastkalarga jalb qilish kampaniyasiga kamida 100 mln dollar sarflashni rejalashtirgan. Reuters iyul oxirida ushbu kampaniya hajmi 100–120 mln dollar bo'lishi mumkinligini yozgandi.

America PAC 2025-yil boshidan beri 52,3 mln dollar sarflagan va 50,3 mln dollar mablag' jalb qilgan. Reuters ma'lumotiga ko'ra, mablag'ning deyarli barchasi Maskning o'zidan kelgan.

Mask va Tramp nega janjallashgan edi?

Ularning munosabatlari 2025-yil iyunida Tramp ma'muriyatining soliq va davlat xarajatlari bo'yicha qonun loyihasi ortidan keskin yomonlashgandi. Mask hujjat davlat qarzini oshirishini tanqid qilgan, Tramp esa uning kompaniyalari oladigan davlat imtiyozlari va kontraktlarini qayta ko'rib chiqish bilan tahdid qilgandi.

Mojaro vaqtida Mask Trampni keskin tanqid qilgan va hatto yangi siyosiy partiya tuzish g'oyasini ilgari surgandi. Keyinchalik u bu rejadan voz kechib, respublikachilarni qo'llab-quvvatlashga qaytgandi.

Mask 2024-yilgi saylov siklida Tramp va boshqa respublikachilarni qo'llab-quvvatlash uchun qariyb 300 mln dollar sarflagan va AQSH tarixidagi eng yirik individual siyosiy donorlardan biriga aylangan.

Hozirgi yaqinlashuv ikki tomon uchun ham manfaatli bo'lishi mumkin. Respublikachilar noyabrdagi oraliq saylovlarda Kongressdagi ko'pchilikni saqlab qolishga urinmoqda. Demokratlar Vakillar palatasida ko'pchilikni qo'lga kiritsa, Tramp ma'muriyati, uning oilasi va Mask kompaniyalari bilan bog'liq qator tekshiruvlarni boshlashni rejalashtirgan.

Manba: Daryo.uz

O'zbekistonga telefon importi yarim yilda 25,4 foizga oshdi

Manba: Bojxona qo'mitasi

2026-yil I yarmida O'zbekistonga 2,35 mln dona mobil telefon import qilindi. Qurilmalar umumiy qiymati 477 mln dollarni tashkil etgan, deb yozadi Statistika qo'mitasi.

Tahlilga ko'ra, olti oylik import hajmi 2025-yil mos davriga nisbatan 477,53 ming donaga (25,4 foizga) o'sgan. Chetdan xarid qilingan har bir mobil telefon narxi o'rtacha 202 dollardan to'g'ri kelgan.

Eng ko'p mobil qurilmalar Xitoydan sotib olingan — 1,81 mln dona. Bu umumiy importning qariyb 77 foizini tashkil etadi.

Qolgan telefonlar Vyetnam (462 mingta), Hindiston (39,6 mingta), Koreya (28,84 mingta) va boshqa davlatlardan (11,54 mingta) xarid qilingan.

Avvalroq Bojxona qo'mitasi mas'uli IMEI tizimi joriy etilgani yuqori samara berganini aytgandi. Masalan, 2025-yil yanvar—oktyabr oylarida telefonlar importidan davlat byudjetiga 1 trillion so'm boj undirilgan.

“Ikki yil oldin telefonlar importidan yiliga atigi 500 milliard so'm boj undirgan edik. Hozir 10 oyda 1 trillion pul undirildi. Davlat byudjetiga tushum deyarli ikki baravar o'sdi”, degan qo'mita boshqarma boshlig'i Farhod Olimjonov.

Hozirda fuqarolar shaxsiy ehtiyoji uchun chet eldan O'zbekistonga aeroport orqali ming dollargacha, poyezdlarda 500 dollargacha, avtomobilda 300 dollargacha tovarlarni bojsiz olib kira oladi. Qiymat bundan o'tsa, oshgan qismiga boj to'lanadi.

Manba: Daryo.uz

O'zbekistonda dollar kursi tushdi

Manba: “Daryo” / Farrux Aliyev

Markaziy bank xorijiy valyutalarning o'zbek so'miga nisbatan 14-avgustda amalda bo'ladigan qiymatini e'lon qildi.

dollar 10,69 so'mga tushib, 11937,89 so'm bo'ldi;

yevro 24,28 so'mga tushib, 13769,16 so'm bo'ldi;

rubl 2,53 so'mga tushib, 141,76 so'mni tashkil etdi.

13-avgustda O'zbekistonda dollar 2 kunlik pastlashdan so'ng ko'tarilgandi.

Manba: Daryo.uz

Ikki kun pastlagan dollar kursi ko'tarildi

Manba: “Daryo” / Farrux Aliyev

Markaziy bank xorijiy valyutalarning o'zbek so'miga nisbatan 7-avgustda amalda bo'ladigan qiymatini e'lon qildi.

dollar 28,92 so'mga ko'tarilib, 11 915,64 so'm bo'ldi;

yevro 32,19 so'mga oshib, 13 749,46 so'm bo'ldi;

rubl 0,18 so'mga tushib, 146,19 so'mni tashkil etdi.

Bundan avval dollar kursi ketma-ket ikki kun pastlab, 11 886,72 so'm bo'lgandi. Bunday past ko'rsatkich 2025-yil dekabridan buyon qayd etilmagandi. Ushbu valyuta kursi 3-avgustda 12 ming so'mdan tushgandi.

Manba: Daryo.uz