Jahon adabiyoti: hayotda hech bo'lmasa bir marta o'qish kerak bo'lgan 20 ta kitob (III qism)

Jahon adabiyotida madaniyatga ta'sir ko'rsatgan, butun boshli adabiy yo'nalishlarni shakllantirgan va hamon yangi o'quvchilarni topishda davom etayotgan o'nlab asarlar bor. To'plamning birinchi va ikkinchi qismlarida biz o'qilishi kerak bo'lgan 40 ta kitobni jamlagan edik. Uchinchi qismda esa o'qish uchun mo'ljallangan ro'yxatingizga qo'shishga arziydigan yana 20 ta asar o'rin olgan.

Jahon adabiyoti: har bir inson hayotida kamida bir marta o'qishi shart bo'lgan 20 ta kitob (I qism)

“Don Kixot” — Migel de Servantes

Daydi ritsar va uning sodiq hamrohi Sancho Pansaning sarguzashtlari. Roman bir vaqtning o'zida ham ritsarlik hikoyalariga parodiya qiladi, ham orzular, voqelik va inson tasavvuri haqida mulohaza yuritadi.

“Anna Karenina” — Lev Tolstoy

Muhabbat, oila va ijtimoiy xurofotlar haqidagi roman. Anna Kareninaning fojiasi inson tanlovi va baxt izlash haqidagi eng mashhur asarlardan biri bo'lib qolmoqda.

“Aka-uka Karamazovlar” — Fyodor Dostoyevskiy

E'tiqod, erkinlik, mas'uliyat va bir oila a'zolari o'rtasidagi murakkab munosabatlar haqidagi falsafiy roman.

“Bovari xonim” — Gyustav Flober

Katta muhabbat va go'zal hayotni orzu qilgan, ammo voqelikda hafsalasi pir bo'lgan Emma Bovari haqidagi hikoya.

“Bo'ronli dovon” — Emili Bronte

Ingliz adabiyoti klassikasiga aylangan sevgi, ehtiros, qasos va vayronkor insoniy tuyg'ular haqidagi qayg'uli hikoya.

“Oy va chaqa” — Uilyam Somerset Moem

Xiyonat, munosabatlardagi inqiroz va o'z qarorlari uchun mas'uliyatni o'rganayotgan insonning ichki yuksalishi haqidagi roman.

“Mobi Dik yoki Oq kit” — Herman Melvill

Ulkan oq kitdan qasos olish g'oyasiga berilib qolgan kapitan Ahabning keng qamrovli hikoyasi. Sarguzasht syujeti vasvasa, taqdir va inson tabiati haqidagi mulohazalarga aylanadi.

Modernizmning asosiy romanlaridan biri bo'lib, unda Dublin aholisi hayotining bir kuni haqida hikoya qilinadi. Kitob o'zining g'ayrioddiy tuzilishi va til bilan bog'liq tajribalari bilan mashhur.

“Kichkina xonimlar” — Luiza Mey Olkott

Voyaga yetib, kelajakni orzu qiladigan, muhabbat, yo'qotishlar va hayot sinovlarini boshdan kechiradigan to'rt opa-singil haqidagi hikoya.

“Alisa mo'jizalar mamlakatida” — Lyuis Kerroll

Mantiqning odatiy qonunlari ishlamaydigan olamga tushib qolgan qizaloq haqidagi mashhur ertak. Kitob turli yoshdagi o'quvchilar uchun hamon qiziqarli.

“Dorian Greyning portreti” — Oskar Uayld

O'zining o'rniga portreti qarib borayotgani tufayli tashqi yoshligini saqlab qolgan yigit haqidagi hikoya. Roman go'zallik, axloq, istaklar va tanlov oqibatlarini tadqiq etadi.

Ommaviy madaniyatda vampirning zamonaviy obrazini shakllantirgan roman. Graf Drakula hikoyasi mistika, gotik muhit va insonning noma'lum narsaga qarshi kurashini o'zida mujassam etgan.

“Alkimyogar” — Paulo Koelyo

Xazina izlab yo'lga chiqqan cho'pon Santyago haqidagi falsafiy hikoya. Roman orzular, taqdir va o'z yo'lingdan borish uchun jasorat haqida so'zlaydi.

“Meni qo'yib yuborma” — Kadzuo Isiguro

O'z taqdirlari haqidagi haqiqatni asta-sekin bilib oladigan uch do'st haqidagi antiutopik roman. Kitob insoniylik, sevgi, xotira va erkinlik haqida o'ylashga majbur qiladi.

Vayron bo'lgan dunyoda omon qolishga urinayotgan ota va o'g'ilning hikoyasi. Falokat qarshisida muhabbat, umid va insoniylikni saqlab qolish haqidagi g'amgin roman.

“Kitob o'g'risi” — Markus Zusak

Ikkinchi jahon urushi davrida Germaniyada yashab, kitoblardan najot topgan qizaloq Lizel haqidagi hikoya. Roman so'z kuchi, do'stlik va insoniylik haqida hikoya qiladi.

“Shantaram” — Gregori Devid Roberts

Avstraliya qamoqxonasidan qochib, Hindistonga borib qolgan inson haqidagi sarguzasht roman. Asar sayohat, do'stlik, sevgi, jinoyat va o'zlikni anglashni o'zida birlashtiradi.

“Ma'no izlayotgan inson” — Viktor Frankl

Muallifning xotiralari va uning inson ruhiyati haqidagi mulohazalarini birlashtirgan kitob. Asosiy mavzu — insonning eng og'ir sharoitlarda ham ma'no topish va ichki erkinlikni saqlab qolish qobiliyati.

“Asrni qaritgan kun” — Chingiz Aytmatov

Chingiz Aytmatovning inson xotirasi, sadoqati va hayotning mazmuni haqida hikoya qiluvchi mashhur romani. Asarda Edigey ismli temiryo'l ishchisining do'sti Qozongapni dafn etish uchun uzoq safarga chiqishi va shu jarayonda o'tmish voqealarini eslashi tasvirlanadi. Roman insoniylik, milliy qadriyatlar, tarixiy xotira va zamonaviy taraqqiyot o'rtasidagi ziddiyatlarni yoritadi.

Jorj Oruellning jamiyat, hokimiyat va siyosiy tuzumlar haqida yozilgan mashhur allegorik asari. Unda hayvonlar xo'jayiniga qarshi qo'zg'alib, tenglik asosida yangi hayot qurishga urinadi, biroq hokimiyatni qo'lga olgan cho'chqalar asta-sekin o'zlari qarshi chiqqan zolimlarga aylanadi. Asar hokimiyatning insonni buzishi, yolg'on targ'ibot va tenglik shiorlaridan foydalanib xalqni boshqarish xavfini ko'rsatadi.

Jahon klassikasi: hayotda hech bo'lmaganda bir marta o'qish kerak bo'lgan kitoblar (II qism)

Manba: Daryo.uz