Disney “Muzlik davri 6” franshizasining yangi kadrini e'lon qildi

Disney “Muzlik davri 6: Qaynash nuqtasi” animatsion filmidan yangi kadrni e'lon qildi. Unda mashhur olmaxon olmaxon o'tkir tishlarini va filmlar seriyasi davomida tinmay quvib yuradigan yong'og'ini qo'lida ushlab turganini ko'rish mumkin.

Avvalroq multfilmning ilk posteri va tizeri ham taqdim etilgan edi. Unda qahramonlar vulqon og'zidan otilib chiqayotgani — mamont Menni boshchiligidagi gala navbatdagi sarguzashtga duch kelgani tasvirlangan.

Butun dunyoga mashhur multfilmning davomida qadrdon jamoa yana birga: mamont Menni, yalqov Sid, yo'lbars Diyego, mamont Elli va bir kozli mangustsimon hayvon Bak. Syujetga ko'ra, hayvonlar dinozavrlar va lava bilan to'la Yo'qolgan dunyoning noma'lum burchaklariga yo'l olishadi.

Bu franshizaning Disney brendi ostidagi ilk to'liq metrajli filmi hisoblanadi: original seriyani yaratgan Blue Sky Studios studiyasi 2021-yilda yopilgan edi.

Ilk “Muzlik davri” 2002-yilda ekranlarga chiqqan va jahon prokatida 383 million dollar ishlab ishlab, tarixdagi eng kassabop animatsion franshizalardan biriga asos solgan edi.

Manba: Daryo.uz